Автор: Какаджан Балканов 0 | ||||
Чем чаще Вы делитесь стихами в соцсетях и блогах, тем больше Вас читают!
|
Опубликовано Какаджан Балканов в Вс, 13/01/2019 - 14:31
“Söýgülim”, “ezizim”, “janym”, sözlerden
Monjuk düzüp señ boýnuñdan asaýyn.
Gorar ýaly seni ýaman gözlerden,
Ýüregimi şol monjuga dakaýyn
“Aý, munyña meñzänogam merjene”,
Diýip, her gün goýma meni azara
Hem çalyşjak bolup altyn zynjyra
Bahasyz monjugñy salama bazara
02 Oktýabr 1996
Mary
Men seni gabanýan.
Men seni gabanýan ýyljak şemaldan,
Ynanamok olaýym mährine—
Tüweleýe öwrülip ol duýdansyz
Alyp gaçar ol seni öz şährine.
Men seni gabanýan.
Men seni gabanýan tomsuñ ýagşyndan—
Çagba seniñ ýüpek köýnegñi ezer.
Garaşylmadyk, kelpez, gopbamsy ýagyş
Terje mämelerñi aýdýñ görkezer.
Men seni gabanýan.
Men seni gabanýan özüm-özümden;
(Göwnüme) meñ söýgim señ üçin göýdük.
Men ruhdan düşýän, alñasaýan, at salýan,
Gorkýan seni elden gidererin öýdüp.
02 Oktýabr 1996
Mary
***
Dünýäde meñ iñ eýjejik gurjagym,
Erkim ýetmez sypamaga, söýmäge,
Milt etmerin seni ýerde goýmaga
Mydam öýüñ bolsun meniñ gujagym.
Düñýäde meñ iñ näzijek gurjagym,
Bir ýürekde ýerleşermi ikisi?
Sen bolardyñ meñ öýümiñ bikesi
Başda boş bolanda meniñ ojagym.
Dünýäde meñ iñ akylly gurjagym
“Utanç” sözün öz deñimden geçirdim
Señ ugruñda men aklymy ýitirdim
Gaýgy-hasrat iñ soñunda boljagym.
Dekabr 1995
Mary
***
Dünýäde meñ iñ eýjejik keýigim!
Pendi çöli birden saña dar bolsa,
Meniñ sözüm saña ygtyýar bolsa,
Saña köşkdür meniñ çäksiz ýüregim.
Düñýäde meñ iñ owadan bilbilim!
Üç ýyl indi eşidemok owazyñ.
Sensiz güllemeýär miweli bagym,
Bagym guramanka uçup gelginiñ!
Dünýäde meñ iñ näzijek bägülim!
Ary bolup ballaryñy soraýyn
Hem-de ýaman gözden, dilden goraýyn
Gözelleriñ gözelini Älemiñ.
Fewral 1997
Mary
Muhammede neñzetdik,
Görogla deñedik,
hem
“Atamyzyñ ornuna sen hossar” diýdik,
Bükülip salam bermegi biraz soña goýduk.
Fewral 1996
Mary
***
Bedew bolup gelerin señ ýanyña
Ýyrtsa-da toýnagymy Pendiñ çägesi
Alyp giderin Söýgiñ ummanyna
Seni—saryk gyzlarynyñ lälesin.
Bürgüt kimin ganatlarymy gerip,
(Ýaksyn meni) seni Günden goraryn.
Men deý söýgiden ýanyp soñ köýüp
Gün başararmyka? Hökman soragyn!
Altyn balyk bolup Murgap derýada
Men akyma garşy bararyn ýüzüp.
“Bagtly bol gülüm!”—diýip,hiç kim görmänkä
Näzik barmagyña dakaryn ýüzük.
Fewral 1997
Mary
***
Geçen hepde goýdum saña girewe
Çalt-çalt urýan howsalaly ýuregmi.
Çat açdymy, ýaryldymy?—Habar ýok.
Öñküje durşumy, ýa indi sagmy?
Bilýän onuñ saña azar bolanny:
“Düñk-düñk” edip, gijelerne ýatyrman,
Saña şöýgi hakda aýdym aýdandyr,
Hiç kimden çekinmän hem-de ýaşyrman.
Dostlaşan bolsañyz goý sende dursun!
Belki melhem bolar seniñ jemalyñ
Käwagt iberseñ bor görme-görüşe
Sorar ýaly entek barmyka janym.
Eger hemişelik yzyna berseñ,
Bas möhrüñi iñ görünýän ýerinden—
Görsünler keşbiñi, göz ýetirsinler
Ýeke-täkdigiñi Ýeriñ ýüzünde.
Gaýybana aşyk bolsun ýigitler,
Gyzlar nusga alsyn seniñ mähriñden
Söýülse, söýülmese-de, şonda-da
Ýüregim razydyr meniñ Mährimden
05 mart 1997
Gül we söýgi hakda ballada
Ir bilen aýlanyp ýörkäm bazarda,
gül satylýan ýerden geçmeli boldum,
(şu goşgymam gül we gyzlar barada),
bir owadan güli elime aldym.
Soradym bahasyn mahaml bägüliñ.
Gsatýan Gözel gyz diýdi, ýylgyryp:
“Alaý, sen şol güli, gerek däl puluñ!
Bolmasa ýeek özi galjak süllerip,
ýöne bergin söýgüli gyzyña!”
“Bererdim welin, ol meni söýenok”
“Onda bar-da gowşur öz aýalyña.”
“Aýalym mugt zadyñ gadryn bilenok.
Gül gowşursam gülüñ bahasyn sorar,
Ynanmaz ol maña mugt düşdi diýsem.
Bizde gowy işgär—medsestra gyz bar,
nähili görerkä şoña gowşursam?!”
Gül satýan gyz onuñ adyn sorady.
“Miwe”—diýip, menem berdim jogabyn.
“Owadanmy?’—diýip, gülüp, garady.
“Aý kemsiner gorse onuñ jemalyn,
almany deñ bölen ýaly ikiñiz”.
(Alam deý gyzardy ap-akja ýañak)
“Çalt gyssanmasañyz solýar gülüñiz,
süllerip başlapdyr, terjedi ýañam”
Sülleren bägüliñ egildi başy,
Ýapragyna gaçdy ýekeje damja.
Bägüliñ arassa, syrly gözýaşy
goýdy meni agyr alada, ünjä.
Meger oñ ömrüniñ gelendir soñy?
Ýa-da…ýolugandyr agyr kesele.
Ýok, ýok! Yşkyñ ody örteýar ony:
haýsy gyz üçin?—Bu kyn mesele…
Gül Gözeli söýse Miwe ynjajak.
Tersine edäýse, aglajak Gözel.
Ikisine birden dar bolýar gujak.
…Gözel söýülýänini duýmandyr ozal.
Eýesiz bägüli Miwä gowşurdym.
Bägüliñ tenine girdi täze güýç.
Bu gudrata oýlanyp köp wagt durdym
Hem ynandym Söýgiñ ýitmeýanine hiç
Fewral 1997
Mary
Gülälek üçin gazal
Dünýäde iñ gowy kär name?
—Gül satmak
Gül gowşurmagy inkärleýän—
Akmak.
Men saña bererdim her gün bir desse,
Mylaýym ýylgyrşyñ üçin—üç esse.
Ýöne sen zyýada hemme güllerden
Sen ýaly gül ýokdur çölde, düzlerde.
Mynasyp sen söýülmäge, söýmäge
Ýa bilbiliñ ýokmy seni öwmäge?
Köpdür. Ýöne dürli ýerlerden gelip,
Ýene yza gidýändirler dolanyp.
Sebäbi mümkin däl saýgarar ýaly:
Gülleñ içinde sen bir gujak bägül.
Gorkym köp—birden-kä, biri, kimde-kim
Gülsün öýdüp alyp gaçmagy mümkin.
Fewral 1997
Muhammede meñzetdik,
Görogla deñedik,
“Atamyzyñ ýerine sen hossar” diýdik.
…Bükülip salam bermegi biraz soñraga goýduk.
Dekabr 1996
***
Meñ duýgulam deñiz tolkunlary deý—
Señ ýüregiñ kenaryna çyrpynýar.
Belli jogap alman sarsmaz ýürekden
Çaga ýaly ýene öñe yñdyrylýar.
Kenardaky akja guşlar pel-pelläp,
Tolkunlañ gerşine gonaýjak bolýar
Deñiziñ oýnuna biraz galpyldap,
Ganatlaryn gerip, asmana galýar.
Çarlak guşlar! Bikäñize aýdyñ siz—
Deñiz şorlugyndan aýñaldy birwagt,
Ýöne tukat geçýär wagty aýdymsyz
Hem kenardan owaz gelmese herwagt.
Bäs gelip bilmeýär asuda kalbym
Güýjände söýgüniñ apy-tupany.
Diýsinler, hamala, sen misli salgym
Meñ gözlermi örtmez kişiñ dumany.
08 mart 1999 ý.
Bir gyzyň doglan güni aýdylan tost
Men şu tosty aýtjak seň ejeň hakda,
Şeýle gözel gyzy dograny ýçin;
Tämizligi hem-de asyllylygy.
Arassa süýdüne ýugrany üçin.
Men şu gün kakaňy gutlasym gelýär,
Belki begenjine goşandym bolar.
“Gyzyň boldy buşluk!” —diýmejegime
Onuň birazajyk gaharam geler.
Men şu gün agaňy gelýär göresim
Hem aýdasym gelýär sen hakda hoş söz.
Belki biziň pikirimiz deňräk bardyr
Bolmawersin meňki ýöne bir boş söz.
Meň şu gün özüme nebsim agyrýar, —
Şeýle jeren gyzy öň görmänime,,
Ah çekýän, gaharlanýan, şükür edýän:
“Diňe sen!”—diýip, däliremänime.
Aprel 1996 ý.
|
|